நடிகர் ரஜினிகாந்த் மருத்துவ பரிசோதனைக்காக விரைவில் அமெரிக்கா செல்ல உள்ளார்.
இந்நிலையில் கொரோனா அச்சுறுத்தல் காரணமாக சிறப்பு சலுகையில் தனி விமானத்தில் அமெரிக்கா செல்ல மத்திய அரசாங்கம் அனுமதி வழங்கியுள்ளதாக இந்திய ஊடகங்கள் செய்தி வெளியிட்டுள்ளன.
அங்கு மருத்துவ பரிசோதனை முடிந்த பின், சிறிது காலம் குடும்பத்தினருடன் ஓய்வெடுக்க தீர்மானித்துள்ளதாக தெரிய வந்துள்ளது.
ரஜினிகாந்த் நடிப்பில் தற்போது அண்ணாத்த திரைப்படம் உருவாகி உள்ளது. சிவா இயக்கியுள்ள இத்திரைப்படத்தில் ரஜினியுடன் நயன்தாரா, கீர்த்தி சுரேஷ், மீனா, குஷ்பு, சூரி, பிரகாஷ் ராஜ் என பலர் நடித்துள்ளனர்.
இப்படத்தில் ரஜினி சம்பந்தப்பட்ட காட்சிகள் எடுத்து முடிக்கப்பட்டுவிட்டன.
விரைவில் ரஜினி டப்பிங் பணிகளையும் முடித்துவிடுவார் என கூறப்படுகிறது.
அதேநேரம் அண்ணாத்த படம் வருகிற தீபாவளி பண்டிகையன்று வெளியிடப்பட உள்ளமை குறிப்பிடத்தக்கது.