ஸ்ரீலங்கா பொதுஜன பெரமுன கட்சியின் தேசிய அமைப்பாளரும் முன்னாள் அமைச்சருமான பசில் ராஜபக்ஷ மீண்டும் இலங்கை வந்தடைந்துள்ளார்.
அவர் கடந்த ஒரு மாத காலப்பகுதிக்கும் மேலாக அமெரிக்காவில் தனிப்பட்ட பயணம் ஒன்றில் ஈடுபட்டிருந்தார்.
இந்த நிலையில் இன்று காலை அவர் நாடு திரும்பியுள்ளார். அவர் நாடு திரும்பியவுடன் தற்போது அதிகரிக்கப்பட்டுள்ள எரிபொருள் விலை தொடர்பில் கலந்துரையாடல் மேற்கொள்வதாக ஸ்ரீலங்கா பொதுஜன பெரமுன கட்சி உறுப்பினர்கள் தெரிவித்துள்ளார்.
பசில் ராஜபக்ஷ இலங்கையில் இருந்திருந்தால் எரிபொருள் விலை அதிகரிக்கப்பட்டிருக்காதென உறுப்பினர்கள் சிலர் பகிரங்கமாக குறிப்பிட்டிருந்தமை குறிப்பிடத்தக்கது.
